MBIO ZA UBINGWA WA LA LIGA BADO HAZIJAISHA - MESSI.

MSHAMBULIAJI nyota wa Barcelona, Lionel Messi anaamini kuwa klabu yake hiyo bado ina safari kuelekea kushinda ubingwa wa Ligi Kuu nchini Hispania maarufu kama La Liga kwani Real Madrid bado ni tishio kwao. Madrid kwasasa inashika nafasi ya tatu katika msimamo wa La Liga wakitofautiana kwa alama 16 na Barcelona ambao wanaongoza ligi hiyo lakini Maessi amesisitiza kuwa bado wanaweza kuupoteza ubingwa huo kama wakibweteka. Messi amesema miaka michache iliyopita Madrid waliwapita wakiwa wanaongoza na kuchukua ubingwa hivyo kwa hivi sasa huwezi kuwaondoa katika kinyang’anyiro hicho, wanachotakiwa kufanya ni kuongeza juhudi na kutofanya makosa kwa kubweteka. Nyota huyo wa kimataifa wa Argentina pia alidai kuwa ndoto zake mbali na kuisaidia Barcelona lakini pia kuisaidia timu yake ya taifa iweze kunyakuwa michuano ya Kombe la Dunia itakayofanyika huko Brazil 2014.