VAN PERSIE ANATUPA MOTISHA YA KUFANYA VIZURI ZAIDI - TEVEZ.

Mshambuliaji wa Manchester City, Carlos Tevez, amesema kuwa washambuliaji wa klabu hiyo wamepata motisha zaidi, baada ya kocha wao kumsifu mshambuliaji wa Manchester United Robin Van Persie. Hivi majuzi, Mancini, alikiri kuwa anajuta kwa nini klabu hiyo haikumsajili Van Persie, ambaye kufikia sasa amefunga magoli 20 msimu huu. Manchester City inashikilia nafasi ya pili katika msimamo wa Ligi Kuu nchini Uingereza, ikiwa nyuma kwa alama saba mbele ya mahasimu wao Manchester United, huku kukiwa kumesalia michezo 17 ligi hiyo ifikie ukingoni. United iliilaza City magoli 3-2 katika mechi iliyochezwa katika Uwanja wa Etihad Desemba 9 mwaka jana ambapo timu hizo zinatarajiwa kurudiana tena katika Uwanja wa Old Traford April 6 mwaka huu.