BALOTELLI AANZA VURUGU ZAKE ITALIA.

MSHAMBULIAJI mpya wa klabu ya AC Milan, Mario Balotelli ameingia tena katika mzozo na polisi baada ya kupaki gari lake mahali pasiporuhusiwa. Kwa mujibu wa taarifa, Balotelli ambaye alikwenda kuwapokea marafiki zake aliambiwa aondoe gari lake baada ya kulisimamisha mahali ambapo haparuhusiwi mbele ya Uwanja wa Ndege wa Linate jijini Milan. Mshambuliaji huyo wa kimataifa wa Italia mwenye vituko vingi alitii amri hiyo na kuondoa gari hilo mahali hapo lakini aliliegesha isivyoruhusiwa na kutozwa faini na polisi kwa kutokuwa na vielelezo muhimu vya bima la gari lake. Balotelli aliingia katika mzozo mkubwa kuhisiana na suala hilo kabla ya baade polisi kumtuliza na kumlima faini. Nyota huyo alirejea Italia wiki iliyopita kwa uhamisho wa euro milioni 20 kutokea klabu ya Manchester City ya Uingereza na kufunga mabao mawili yaliyoisaidia Milan kushinda mchezo wake dhidi ya Udinese kwa mabao 2-1 Jumapili iliyopita.