CIT INAWEZA KUTETEA UBINGWA WAKE - YAYA TOURE.

KIUNGO wa kimataifa wa Ivory Coast na klabu ya Manchester City, Yaya Toure amerejea nchini Uingereza kutoka katika michuano ya Mataifa ya Afrika na sasa amepania kumsaidia kocha wake Roberto Mancini kutetea taji lao la Ligi Kuu nchini Uingereza. Toure amedai kuwa City bado ina nafasi ya kutetea taji lake msimu pamoja na kupitwa alama tisa na vinara wa ligi hiyo kwa sasa Manchester United. Timu hizo mahasimu zinazotoka katika mji mmoja hazijapoteza mchezo toka kuanza kwa mwaka huu lakini kurejea kwa Toure kutoka Afrika kumewapa ahueni mashabiki wa City baada ya timu hiyo kupoteza alama nyingi katika mbio zao za ubingwa wakati alipokuwa hayupo. City ambao ni mabingwa watetezi wa ligi hiyo waliambulia alama mbili katika michezo dhidi ya Queens Park Rangers na Liverpool na ingawa hawajafungwa toka Toure aondoke lakini nyota huyo mwenye umri wa miaka 29 amekiri kuwa kuna kazi kubwa ya kufanya ili kujiweka katika nafasi nzuri ya kunyakuwa ubingwa huo.