RONALDO AWATUMIA SALAMU UNITED.

MSHAMBULIAJI nyota wa klabu ya Real Madrid, Cristiano Ronaldo ametuma ujumbe kwa klabu yake ya zamani Manchester United kabla ya mchezo wao wa Ligi ya Mabingwa Ulaya utakaochezwa Jumatano kwa kufunga mabao matatu na kuisaidia Madrid kuibuka na ushindi wa mabao 4-1 katika mchezo wa La Liga dhidi Sevilla uliochezwa jana. Mshambuliaji huyo wa kimataifa wa Ureno ambaye aliwahi kuwa mchezaji mwenye thamani zaidi wakati alipojiunga na Madrid akitokea United mwaka 2009, alifunga mabao hayo katika dakika ya 26, 46 na 59 wakati bao lingine la timu hiyo lilifungwa na Karim Benzema mapema katika dakika ya 18. Ronaldo mwenye umri wa miaka 28 mpaka sasa amefunga hat-trick 21 toka aanze kucheza soka 17 kati ya hizo akiwa amefunga katika Ligi Kuu nchini Hispania. Madrid sasa imefikisha alama 46 katika mechi 43 wakiwa katika nafasi ya tatu katika msimamo wa La Liga wakitofautiana kwa alama nne na Atletico Madrid wanaoshika nafasi ya pili huku vinara wa ligi hiyo Barcelona wakiwa na alama 59.