INIESTA AMTABIRIA MAFANIKIO GUARDIOLA.

MSHAMBULIAJI wa kimataifa wa Hispania na klabu ya Barcelona Andres Iniesta amefurahishwa kumuona kocha wake wa zamani Pep Guardiola kurejea tena kufundisha na hana shaka kwamba ataipa mafanikio klabu yake mpya ya Bayen Munich. Guardiola mwenye umri wa miaka 42 amesaini mkataba wa miaka mitatu na klabu hiyo inayoshiriki Ligi Kuu nchini Ujerumani maarufu kama Bundesliga ambapo anatarajiwa kuziba nafasi ya Jupp Heynckes ifikapo mwishoni mwa msimu wa 2012-2013. Iniesta amesema kuwa kocha huyo amechagua klabu nzuri kwani aina ya uchezaji wao haitofautiani na Barcelona na pia wana wachezaji wa daraja la juu ambao watamsaidia kuifikisha klabu hiyo kwenye mafanikio. Nyota aliendelea kusema Guardiola huwa anatoa ujuzi wake kwa asilimia 100 wakati anapofundisha na pia hupenda kuwa karibu na wachezaji ndani na nje ya uwanja hivyo wachezaji wa Bayern wana bahati kufundishwa na kocha huyo. Kwasasa Barcelona anaendelea na mapumziko ya mwaka mmoja nje ya soka baada ya kuondoka Barcelona msimu uliopita katika majira ya kiangazi.