MALOUDA AITUHUMU CHELSEA KUMFANYIA NDIVYO SIVYO.

KIUNGO nyota wa klabu ya Chelsea Florent Malouda ametoa tuhuma kali akidai kuwa klabu hiyo inajaribu kumuumiza kiakili kwa kumlazimisha kufanya mazoezi na wachezaji wadogo kwenye shule ya timu hiyo. Kiungo huyo wa kimataifa wa Ufaransa alitoa tuhuma hizo baada kuenguliwa katika kikosi cha wachezaji 25 wa msimu huu na kukatazwa hata kubadilisha nguo pamoja na wachezaji wa kikosi cha kwanza kwenye uwanja wao wa mazoezi wa Cobham. Malouda ambaye mkataba wake na klabu hiyo unamalizika mwishoni mwa msimu huu ametengwa toka uhamisho wake kwenye Amerika Kaskazini ulipokwama msimu uliopita. Nyota huyo amesema kwasasa hawezi kueleza kwa undani sakata lake mpaka atapomaliza rasmi mkataba wake lakini klabu hiyo inatumia mbinu ili aonekane yeye ni kama mchezaji anayehitaji kufadhiliwa ili kumuumiza kiakili lakini halitawezekana kwani yeye anaona ndio wanamjenga zaidi kiakili.