NIGERIA WATAWALA KIKOSI CHA DREAM TEAM.

SHIRIKISHO la Soka barani Afrika-CAF limetangaza kikosi cha wachezaji 11 kutoka timu mbalimbali zilizoshiriki michuano ya Mataifa ya Afrika-Afcon mwaka huu nchini Afrika kusini ambapo Nigeria ndio wameibuka mabingwa wa michuano hiyo. Kikosi hicho kitaongozwa na kipa Vincent Enyeama wa Nigeria ambaye katika michuano ya Afcon mwaka huu amekuwa msaada mkubwa kwa timu yake akitumia uzoefu wake wa muda mrefu na kuisadia nchi yake kuibuka kidedea kwenye michuano hiyo. Wengine na nchi wanazotoka ni mabeki Fousseiny Diawara kutoka Mali, Bakary Kone kutoka Burkina Faso, Nando kutoka Cape Verde na Elderson Echiejile wa Nigeria huku viungo ni John Obi Mikel wa Nigeria, Charles Kabore wa Burkina Faso, Seydou Keita wa Mali na Jonathan Pitroipa wa Burkina Faso. Wakati washambuliaji katika kikosi hicho kilichopewa jina la Dream Team watakuwa Victor Moses na mfungaji bora wa mashindano hayo kwa mwaka huu Emmanuel Emenike wote wakiwa wanigeria.