BEST TEAM LOST - MOURINHO.

MENEJA wa klabu ya Real Madrid, Jose Mourinho amedai kuwa timu bora ndio iliyopoteza mchezo baada ya Manchester United ambao walicheza na wachezaji 10 kutolewa nje katika michuano ya Ligi ya Mabingwa Ulaya. United walitangulia kufunga bao la kuongoza katika mchezo huo wa pili wa michuano hiyo kabla ya winga wake Nani kutolewa nje kwa kadi nyekundi na kuipa nafasi Madrid kufunga mabao mawili ya haraka haraka yaliyofungwa na Luka Modric na Cristiano Ronaldo. Akizungumza na waandishi wa habari mara baada ya mchezo huo ambao Madrid walishinda kwa mabao 2-1 Mourinho amesema timu yake haikustahili kushinda mchezo huo lakini soka ndivyo linavyokuwa wakati mwingine. Mourinho alikisifu kikosi cha United kinachonolewa na Sir Alex Ferguson akidai kuwa kilijipanga na kucheza vyema katika mchezo huo na kama isingekuwa kadi nyekundu aliyopewa hadhani kama wangepata ushindi huo.