ARSENAL KUFANYA ZIARA VIETNAM.

KLABU ya Arsenal inatarajiwa kuwa klabu ya kwanza katika Ligi Kuu nchini Uingereza kucheza nchini Vietnam wakati wa ziara ya maandalizi ya kuanza kwa msimu ujao wa ligi hiyo katika majira ya kiangazi. Arsenal inatarajiwa kucheza na timu ya taifa ya Vietnam Julai 17 mwaka huu mchezo ambao umeandaliwa jijini Hanoi ambako kuna mashabiki wengi wanaopenda kufuatilia soka la Uingereza. Katika taarifa yake klabu hiyo imedai imechukua uamuzi huo kwasababu ya kuwa na mashabiki wengi wanaofuatilia klabu hiyo kama ilivyo kwa timu kama Manchester United na Barcelona ya Hispania. Arsenal pia itazuru nchi za Jakarta na Indonesia ikiwa ni ziara ya nne kwa klabu hiyo kuzitembelea nchi za mashariki ya mbali katika kipindi cha miaka mitatu iliyopita.