AGONGWA NA GARI NA KUFA AKIJARIBU KUPIGA DANADANA NA MPIRA KUELEKEA BRAZIL.

RAIA mmoja wa Marekani aliyekuwa akijaribu kupiga mpira danadana kuanzia Seattle mpaka Brazil kabla ya kuanza michuano ya Kombe la Dunia 2014 amefariki dunia ikiwa ni chini ya wiki mbili toka aanze safari yake ya kuelekea huko. Mmarekani huyo Richard Swanson mwenye umri wa miaka 42 aligongwa na lori katika mji wa Lincoln na mpira wake aliokuwa akitumia kupiga danadana kukutwa pembeni yake. Kwa mujibu wa mtandao mmoja nchini Brazil Swanson alianza safari yake kutoka Seattle Mei Mosi iliyokuwa na nia ya kuchangisha fedha kwa ajili ya mradi wa One World Futbol. Katika safari yake hiyo Swanson alitegemea kupita katika nchi zipatazo 11 ikiwemo Guatemala, Mexico na Colombia.