LIVERPOOL YAMNYATIA KOLO TOURE.

KLABU ya Liverpool inakaribia kukamilisha mkataba na Kolo Toure ukiwa ni usajili wao wa kwanza katika kipindi hiki cha majira ya kiangazi. Wakati Jamie Carragher akiwa amestaafu msimu huu na kutokuwa na uhakika wa mustakabali wa mabeki wake wengine Martin Skrtel na Sebastian Coates, meneja wa Liverpool anatakiwa kutafuta mabeki wawili wa kati na chaguo lake la kwanza limeanzia kwa Toure. Mkataba wa Toure na Manchester City unaishia mwishoni mwa mwezi huu na beki huyo ameonyesha nia ya kubakia Uingereza hivyo anaweza kuwa mchezaji rasmi wa Liverpool Julai mosi mara atakapofaulu vipimo vya afya na kukubaliana mambo binafsi. Mbali na Toure, Rodgers bado anaangaza huku na huko ili kutafuta wachezaji watakaomsadia kuongeza nguvu katika safu ya ulinzi wakiwem Toby Alderweirled wa klabu ya Ajax Amsterdam na Tiago Ilori wa Sporting Lisbon.