MECHI DHIDI YA MALAGA ILITUPA MORARI - KLOPP.

MENEJA wa klabu ya Borussia Dortmund ya Ujerumani, Jurgen Klopp amedai kuwa alianza kuamini kuwa kikosi chake kitafika mbali katika michuano ya Ligi ya Mabingwa Ulaya baada ya kuiondosha Malaga katika robo fainali. Katika mchezo dhidi ya Malaga Dortmund walifunga mabao mawili katika dakika za majeruhi na kutinga hatua ya nusu fainali ya michuano hiyo kabla ya kuing’oa Real Madrid na kutinga fainali. Sasa klabu hiyo itakutana na wajerumani Bayern Munich katika mchezo wa fainali utakaochezwa Wembley kesho. Lakini kocha anaamini mchezo wao wa robo fainali ndio uliwapa ari ya kufanya vizuri dhidi ya Madrid kwenye mchezo wa nusu fainali na sasa wanaangalia mbele kutaka kutwaa taji hilo muhimu barani Ulaya.