PEPE NI KAMA AMEMSALITI MOURINHO - FUTRE.

MCHEZAJI wa zamani wa kimataifa wa Ureno, Paulo Futre anaamini kuwa rafiki yake Jose Mourinho amehisi kusalitiwa na Pepe baada ya beki huyo wa kati kumkosoa hadharani kocha huyo wa Real Madrid kwa kumuweka benchi Iker Casillas. Katika siku za karibuni Pepe amaekuwa akidai kuwa Mourinho hampi heshima inayostahili golikipa huyo wa Madrid, huku Mourinho naye akijibu mashambulizi hayo kwa kumtaka atatue matatizo yake mwenyewe ya kukosa namba yanayomkabili badala ya kuzngumza mambo yasiyomhusu. Futre naye ametetea uamuzi wa Mourinho akidai kuwa suala la kumuacha Casillas ni la kiufudi zaidi na kama kocha hapaswi kuingiliwa katika mabadiliko anayofanya katika kikosi chake. Futre amedai kuwa Mourinho amekuwa akimtetea Pepe mara nyingi na lazima atakuwa amesononeshwa na kuhisi kusalitiwa kwa kauli ya beki huyo.