TUKO KATIKA NAFASI NZURI KUTINGA FAINALI - DEL BOSQUE.

KOCHA wa timu ya taifa ya Hispania, Vicente del Bosque anaamini kuwa kikosi chake kimejiweka katika nafasi nzuri ya kutinga hatua ya nusu fainali ya michuano ya Kombe la Shirikisho baada ya kushinda mchezo wao wa ufunguzi dhidi ya Uruguay. Katika mchezo huo ambao Hispania ilionekana kuumudu vyema katika muda wote walifanikiwa kuizamisha Uruguay kwa mabao 2-1 na Del Bosque anadhani ushindi huo ni muhimu kwa ajili ya kujihakikishia nafasi ya kusonga mbele. Del Bosque amesema amefurahishwa na kiwango kilichoonyeshwa na kikosi chake katika vipindi vyote viwili ingawa katika dakika za mwisho wachezaji wake walionekana kuchoka kidogo. Kwasasa Hispania inaongoza kundi B ambapo wanatarajiwa kucheza na Tahiti katika uwanja wa Maracana jijini Rio de Janeiro katika mchezo wao unaofuata Alhamisi.