SPURS YAJIWEKA PAZURI KUNYAKUWA TAJI LA NBA.

TIMU ya San Antonio Spurs imejiweka katika hatua nzuri ya kunyakuwa taji la Ligi Kuu ya Mpira wa Kikapu nchini Marekani-NBA baada ya kuichakaza Miami Heat kwa vikapu 114-104. Mpaka sasa timu hizo zimeshacheza fainali ya tano kati ya saba ambapo Spurs wanaongoza kwa 3-2 na kama wakishinda mchezo unaofuata basi watakuwa wametawadhwa mabingwa wapya wa ligi hiyo kwa msimu huu. Katika mchezo wa jana mchezaji nyota anayechipukia Manu Ginobili wa Spurs alikuwa msaada mkubwa kwa timu yake baada ya kufunga vikapu 24 na kutoa pasi muhimu za mwisho 10 akifuatiawa na mchezaji mwenzake Danny Green ambaye naye alifunga idadi kama hiyo ya vikapu 24. Fainali nyingine itachezwa Juni 19 nyumbani kwa Miami ambapo kama Spurs wakishinda kutakuwa hakuna haja ya kucheza fainali nyingine tena lakini kama wakifunga itabidi wamalizie fainali ya saba ambayo itapigwa Juni 21 mwaka huu.