USINGIZI WAMKOSESHA KULIONA BAO LA MWANAE.

WINGA wa zamani wa kimataifa wa Uingereza Mark Chamberlain alikosa kuliona bao alilofunga mwanae Alex Oxlade-Chamberlain katika mchezo wa kimataifa wa kirafiki kati ya timu ya taifa ya nchi hiyo na Brazil uliofanyika katika Uwanja wa Maracana. Baba wa nyota huyo amesema aliukosa kuuutizama mchezo huo kwasababu alikuwa akitaka kumuwahisha uwanja wa ndege alfajiri mama yake Oxlade-Chamberlain hivyo kulala mapema. Chamberlain ambaye alikuwepo katika kikosi cha Uingereza kilichoshinda mchezo dhidi ya Brazil mwaka 1984, amesema ametumiwa ujumbe mfupi na watu wengi wakidai kuwa kijana wake huyo alifunga bao zuri sana. Nyota huyo anayecheza katika klabu ya Arsenal alisawazisha bao kwa timu yake kwenye dakika ya 67, zikiwa zimepita dakika tano toka aingie akitokea benchi la wachezaji wa akiba.