BLANC APIGWA 3-1 MECHI YA KWANZA PSG.

KOCHA mpya wa klabu ya Paris Saint-Germain-PSG, Laurent Blanc ameanza vibaya baada ya mchezo wake wa kwanza wa kirafiki kujiandaa na msimu wa ligi kumalizika kwa mabingwa hao wa soka nchini Ufaransa kupokea kipigi cha mabao 3-1 kutoka kwa timu ya Sturm Graz ya Austria. Wenyeji ndio waliotangulia kushinda bao la kwanza dakika ya 26 kupitia kwa mchezaji Robert Beric akiyatumia vyema makosa ya beki kinda wa PSG Antoine Conte kabla ya Marco Djuricin kuongeza bao la pili dakika mbili baadae. Sturm ambao walionekana kuwa fiti zaidi baada ya kuanza mazoezi wiki mbili kabla ya PSG waliongeza bao la tatu katika dakika ya 76 kupitia kwa Nikola Vujadinovic wakati PSG walipata bao lao la kufutia machozi kupitia kwa Hervin Ongenda dakika tano kabla mpira haujamalizika. PSG wataendelea na maandalizi yao kwa ajili ya kujiwinda na msimu mpya kwa mchezo mwingine wa kirafiki dhidi ya Rapid Vienna Ijumaa.