GEBRSELASSIE AVAMIA ULINGO WA SIASA.

MWANARIADHA nyota wa Ethiopia, Haile Gebrselassie ametangaza kuingia katika ulingo wa siasa nchini kwao, akiwa na na mpango wa kugombea ubunge katika kipindi cha miaka miwili ijayo. Mwanariadha huyo mwenye umri wa miaka 40 ambaye ni bingwa mara mbili wa olimpiki katika mbio za mita 10,000, alituma ujumbe katika ukurasa wake wa mtandao wa kijamiii wa twitter kuthibitisha nia yake ya kugombea ubunge katika kipindi cha uchaguzi mwaka 2015 ili kisaidia nchi yake kusonga mbele. Gebrselassie ambaye pia ni bingwa wa dunia mara nne katika mbio za mita 10,000, topka zamani zamani amekuwa akielezea nia yake ya kuingia katika ulingo wa kisiasa baada ya kustaafu riadha. Bunge la Ethiopia limekuwa likitawaliwa na wabunge wengi kutoka chama tawala, huku kukiwa na mbunge mmoja kutoka upinzani ambapo mwanariadha huyo hajaweka wazi chama atakachotumia kutafuta siti bungeni.