HISPANIA INAFUNGIKA - DEL BOSQUE.

KOCHA wa timu ya taifa ya Hispania, Vincente del Bosque amedai kuwa kikosi chake kinafungika kama ilivyo timu zingine, kufuatia kipigo cha mabao 3-0 walichopata kutoka kwa Brazil katika mchezo wa fainali ya Kombe la Shirikisho. Del Bosque mwenye miaka 62 amesema kikosi chake hakijashindikana kufungika na kuwapongeza Brazil kwa mchezo mzuri walioonyesha katika mchezo huo uliokuwa na kila aina ya ushindani. Amesema mambo yaliwaendea vyema wapinzani wao kwa kupata bao la mapema ambalo kwa kiasi kikubwa liliwaathiri na kujikuta wakifungwa mengine kirahisi na kupoteza mchezo. Kocha huyo amesema kipigo hicho kitawaamsha na kwenda kujipanga upya kuangalia walipokosea ili waweze kuwa imara zaidi kabla ya kuanza kutetea taji lao la Kombe la Dunia mwaka ujao.