MADRID NIMEFIKA - RONALDO.

MSHAMBULIAJI nyota wa klabu ya Real Madrid, Cristiano Ronaldo amemaliza uvumi uliozagaa kuwa anataka kurejea katika klabu yake ya zamani ya Manchester United kw akudai kuwa ana furaha katika klabu yake ya sasa. Mshambuliaji huyo wa kimataifa wa Ureno ameweka wazi kuwa hawezi kurudi tena Old Traford katika kipindi hiki cha maisha yake ya soka na ataendelea kubakia Madrid kwasababu ana furaha kuwepo hapo. Mbali na kufurahia maisha ya Madrid pia amekuwa akifurahi kucheza katika Ligi Kuu ya nchi hiyo na angependa kuendelea kucheza kwa kipindi kirefu kijacho. Akizungumzia timu yake ya taifa Ronaldo amedai kuwa kwasasa wameelekeza nguvu zao kuhakikisha wanafuzu Kombe la Dunia kwasababu yeye pamoja na wachezaji wenzake wangependa kuwepo katika michuano hiyo itakayochezwa mwakani. Ronaldo mwenye umri wa miaka 28 amefunga mabao 201 katika mechi 199 za amashindano yote alizocheza akiwa na Madrid toka alipojiunga nao mwaka 2009, akiwa na mkataba ambao unamalizika mwaka 2015.