RIVALDO AMPIGIA CHAPUO NEYMAR KUNG'ARA LA LIGA.

MSHAMBULIAJI nyota wa zamani wa klabu ya Barcelona, Rivaldo anaamini kuwa Neymar atakuja kuwa mchezaji bora wa dunia katika kipindi atakachokuwa Camp Nou. Neymar mwenye umri wa miaka 21 alisaini mkataba wenye thamani ya euro milioni 57 akitokea klabu ya Santos mapema katika kipindi hiki cha usajili wa majira ya kiangazi na Rivaldo hana shaka kwamba nyota huyo atang’ara La Liga. Rivaldo amesema Barcelona imefanya moja ya usajili bora kabisa kwa msimu huu kwa kumchukua Neymar na hapana shaka katika kipindi kifupi atawaacha midomo wazi mashabiki wa klabu hiyo kutokana na kipaji cha hali juu alichonacho. Nguli huyo wa soka wa zamani aliendelea kudai kuwa hakuna changamoto mpya ambayo Neymar inaweza kumkwamisha kwasababu tayari ameshapitia nyingi katika umri mdogo alionao, changamoto pekee anayoweza kukutana nayo na kutoshinda vikombe lakini hilo ni kwa wachezaji wote.