MOURINHO ATANGAZA KUJIUZULU AKIKOSA MAKOMBE CHELSEA.

MENEJA mpya wa klabu ya Chelsea, Jose Mourinho ameapa kuachia ngazi kama akishindwa kuiwezesha timu hiyo kushinda mataji. Mourinho ambaye ni raia wa Ureno aliwahi kushinda mataji mawili ya Ligi Kuu nchini Uingereza wakati akiinoa Chelsea kwa mara ya kwanza na sasa amerejea tena kwa mara nyingine. Hatahivyo safari hii ameahidi kujiuzulu nafasi yake kama akishindwa kutwaa taji lolote kama ilivyokuwa kwa Real Madrid aliyokuwa akiifundisha msimu uliopita. Mourinho amesema nia yake ni kushinda mataji na kama akishindwa hana sababu ya klabu kumwambia aondoke kwani ataondoka mwenyewe kwenda kujaribu mahali pengine.