SINA UHASAMA NA RONALDO - MESSI.

MSHAMBULIAJI nyota wa klabu ya Barcelona, Lionel Messi amepuuza uvumi kwamba yeye na nyota wa Real Madrid Cristiano Ronaldo ni mahasimu. Nyota hao wawili wamekuwa wakichuana kugombea tuzo mbalimbali nchini Hispania na Ulaya kwa miaka kadhaa lakini Messi amedai kuwa hakuna uhasama wowote baina yao. Messi mwenye umri wa miaka 26 amesema nyota huyo wa Madrid ni mtu safi na anaweza kubadili mchezo wowote lakini yeye amekuwa akijituma ili aweze`kufanikiwa akiwa na Barcelona. Messi amesema hizo tetesi kwamba wana Uhasama na Ronaldo hazina ukweli wowote kwani ana mheshimu kama ilivyo kwa wengine wengine wote.