ABIDAL BADO AISHUSHIA MADONGO BARCELONA.

BEKI wa zamani wa klabu ya Barcelona, Eric Abidal ameonyesha kuchukizwa na klabu hiyo jinsi alivyoondoka na kudai kuwa hakulipwa fedha zozote na timu hiyo wakati akiugua. Abidal mwenye umri wa miaka 34 alifanyiwa upasuaji wa ini April mwaka jana hivyo kumfanya kukaa nje ya uwanja kwa kipindi cha mwaka mmoja kabla ya kurudi na kucheza mechi chache na Barcelona na kisha kutimkia Monaco ya Ufaransa. Beki huyo wa kimataifa wa Ufaransa amedai kuwa alikuwa tayari amejiandaa kwasababu alijua mkataba wake unaelekea ukingoni hivyo ilikuwa ni aidha apewe mwingine au asiongezwe. Nyota huyo aliendelea kudai kuwa ilikuwa ni wakati mgumu kwake lakini alikuwa hana jinsi na sasa ana furaha katika maisha yake mapya aliyoanza Monaco. Abidal amesema anashangazwa kwanini Barcelona iliamua kumuacha na anajua halikuwa tatizo la fedha kwasababu miezi yote ambayo amekuwa mgonjwa hakulipwa chochote na klabu hiyo.