BALE ATAMBULISHWA RASMI BERNABEU BAADA YA KUFAULU VIPIMO VYA AFYA.

MSHAMBULIAJI nyota wa kimataifa wa Wales Gareth Bale, amefanikiwa kufaulu vipimo vya alivyofanyiwa leo asubuhi katika hospitali ya Sanitas La Moraleja na baadae kutambulishwa rasmi katika mbele ya maelfu ya mashabiki waliojitokeza katika Uwanja wa Santigo Bernabeu. Madrid walitangaza jana kuwa walifikia makubaliano ya kumsajili nyota huyo kutoka Tottenham Hotspurs kwa kitita kilichovunja rekodi cha paundi milioni 85 na kukabidhiwa mkataba wa miaka sita. 

Katika taarifa iliyotumwa katika mtandao Madrid walithibitisha nyota huyo kufanyiwa vipimo mbalimbali vikiwemo vya damu, mkojo, electrocardiogram, echo cardiogram, MRI, radiological na biomechanical pamoja na cardio-respiratory. Baada ya kufanyiwa vipimo hivyo Bale mwenye umri wa miaka 24 alipelekwa katika Bernabeu na kutambulishwa kwa mashabiki waliojitokeza kumlaki.