LIVERPOOL YAMNASA MOSES KWA MKOPO KUTOKA CHELSEA.

KLABU ya Liverpool imethibitisha kumsajili kwa mkopo winga wa Chelsea Victor Moses. Moses mwenye umri wa miaka 22 alifaulu vipimo vya afya Anfield na kuwa mchezaji wa nane kusajiliwa katika kipindi hiki cha usajili wa majira ya kiangazi na kocha Brendan Rodgers. Winga huyo wa kimataifa wa Nigeria anajiunga na Mamadou Sakho na Tiago Ilori ambao nao wamejiunga na Liverpool katika siku ya mwisho ya usajili ambao ni leo. Akihojiwa Moses aliumbia mtandao wa klabu kuwa amefurahi kukamilisha uhamisho wake wa mkopo na atajitahidi kuhakikisha klabu hiyo inamaliza katika nafasi nne za juu ili iweze kushiriki Ligi ya Mabingwa Ulaya msimu ujao. Moses alihamia Stamford Bridge akitokea Wigan katika kipindi cha usajili wa kiangazi msimu uliopita ambapo amecheza mechi 42 na kufunga mabao 10 akiwa huko.