BALE HANA THAMANI YA EURO MILIONI 100 - ZIDANE.

MCHEZAJI nyota wa zamani wa kimataifa wa Ufaransa, Zinedine Zidane ameponda ada ya uhamisho iliyovunja rekodi ambayo Real Madrid wamelipa ili kumnasa Gareth Bale na kueleza kuwa hakuna mchezaji aliye na thamani ya kiwango hicho. Zinade ambaye alikuwa akishikilia rekodi ya kuwa mchezaji mwenye thamani zaidi wakati alipohama kutoka Juventus kwenda Madrid mwaka 2001 anaamini kuwa kiwango cha euro milioni 100 kwa ajili ya Bale ni moja ada ambazo vilabu vipo tayari kulipa kwa soka la kisasa. Nguli huyo ambaye kwasasa ni kocha msaidizi wa Madrid amesema miaka 10 iliyopita alinunuliwa kwa euro milioni 75 na alisema hakuwa ana thamani ya kiasi hicho hivyo na hata sasa hadhani kama mchezaji yoyote ana thamani hiyo. Pamoja na kuhoji juu ya fedha za uhamisho huo, Zidane ameonyesha kufurahishwa uwepo wa Bale katika klabu hiyo na kupata nafasi ya kufanya kazi pamoja na nyota huyo wa kimataifa wa Wales.