NTARIDHIKA NIKISHINDA BALLON D'OR - POGBA.

KIUNGO mahiri wa klabu ya Juventus, Paul Pogba amedai kuwa hawezi kuridhika mpaka atapohakikisha ameshinda tuzo ya mchezaji bora wa dunia maarufu kama Ballon d’Or. Kiungo huyo mwenye miaka 20 amekuwa akionyesha kiwango kizuri toka alipohamia jijini Turin kwa uhamisho huru akitokea klabu ya Manchester United katika kipindi cha majira ya kiangazi msimu uliopita na kujikuta akiitwa kwa mara ya kwanza katika timu yake ya taifa ya Ufaransa Machi mwaka huu. Kiungo huyo ambaye aliteuliwa kama mchezaji bora katika michuano ya Kombe la Dunia ya vijana chini ya miaka 20 Julai mwaka huu amekataa kubweteka mpaka hapo atapotawadhwa kuwa mchezaji wa dunia. Akihojiwa Pogba amesema pamoja na kushinda Kombe la Dunia na pia kuteuliwa kuwa mchezaji bora wa michuano hiyo hataki kuishia hapo bali kuongeza bidii ili aweze kufikia mafanikio ya wachezaji wengine wa Ufaransa kama Zinedine Zidane.