CASILLAS AMPSHA REINA KUWA HANA MPANGO WA KUONDOKA MADRID PAMOJA NA KUSUGULISHWA BENCHI.

GOLIKIPA mahiri wa kimataifa wa Hispania, Iker Casillas amempasha Pepe Reina kuwa hana nia ya kuondoka katika klabu ya Real Madrid pamoja na kukosa namba ya kucheza katika kikosi cha kwanza. Casillas amejikuta katika wakati mgumu msimu huu baada ya kucheza mechi mbili pekee za Ligi ya Mabingwa Ulaya ambapo Diego Lopez ndio ameendelea kuwa chaguo la kwanza katika timu hiyo. Hata hivyo Casillas mwenye umri wa miaka 32 pamoja na maswahibu hayo ameendelea kusisitiza kuwa ataendelea kubakia katika klabu hiyo. Mapema Reina alikaririwa akidai kuwa ni jambo la kuhuzunisha kumuona Casillas akikosa namba katika timu hiyo hivyo kushauri mwenzake huyo kufikikiria shauri la kubaki hapo.