MCLLROY AMPIGA CHINI WOZNIACKI ILI APATE NAFASI YA KUREJESHA KIWANGO CHAKE KATIKA GOFU.

NYOTA wa mchezo wa gofu Rory Mcllroy ameripotiwa kuachana na mpenzi wake ambaye ni nyota katika mchezo wa tenisi mwanadada Caroline Wozniacki. Wawili hao wamekuwa wakitoka pamoja kwa miaka kadhaa lakini Wozniacki ameonyesha kuchanganyikiwa baada ya Mcllroy ambaye ni bingwa mara mbili wa michuano mikubwa ya gofu kusitisha uhusiano huo. Chanzo kimoja cha habari kilichotoa taarifa hizo kimedai kuwa hakuna kurudi nyuma katika suala hilo wakati Mcllroy akijaribu kurejesha makali yake katika gofu baada ya kuporomoka. Taarifa ziliendelea kudai kuwa Wozniacki bado anaonyesha kutaka kuendelea kuwa na mepnzi wake huo baada ya kuendelea kuacha picha ya wawili hao katika ukurasa wake wa mitandao ya kijamii. Mcllroy mwenye umri wa miaka 24 ameporomoka kiwango toka aliposaini mkataba mnono na kampuni ya Nike ambao unamuweza kukusanya kitita cha paundi milioni tatu mwaka.