VALDES ASHIKILIA MSIMAMO WAKE WA KUONDOKA BARCELONA.

GOLIKIPA namba moja wa klabu ya Barcelona Victor Valdes amebainisha kutaka kuondoka mwishoni mwa msimu huu na kueleza kuwa anadhani muda wake wa kuwa hapo umekwisha. Kipa huyo wa kimataifa wa Hispania mkataba wake unamalizika mwakani tayari ametangaza kuwa hana mpango wa kuongeza mkataba mwingine na klabu hiyo msimu ujao. Baadhi ya wachezaji wa Barcelona, akiwemo kiungo Andres Iniesta wamedai kuwa wamejaribu kuzungumza na Valdes ili abadili mawazo na kubakia Catalunya lakini nyota huyo mwenye umri wa miaka 31 tayari ameshaamua kuondoka. Akihojiwa Valdes amesema pamoja na kumshawishi kuendelea kubaki binafsi anadhani muda wake wa kuitumikia Barcelona na anataka kuangalia changamoto nyingine. Valdes amesema anataka kucheza katika ligi nyingine pamoja na kuishi na familia yake mahali pengine.