ADIDAS YAZINDUA MPIRA UTAKAOTUMIKA KWENYE KOMBE LA DUNIA 2014.

KAMPUNI ya vifaa vya michezo ya Adidas imezindua rasmi mpira uitwao Brazuca ambao utatumika katika michuano ya Kombe la Dunia itakayofanyika mwakani nchini Brazil. Jina hilo ambalo lilichaguliwa na mashabiki wa soka wan chi hiyo ni lugha ya kireno inayotumika katika nchi hiyo ya Amerika Kusini ikiwakilisha jina lake yaani Brazil. 

Mipira ya Adidas iliyotumika katika Kombe la Dunia kuanzia mwaka 1970.

Mpira wa Brazuca umefanyiwa majaribio kwa kipindi cha miaka miwili huku nyota kama Lionel Messi, Bastian Schweinsteiger na Zinadine Zidane nao wakiufanyia majaribio. Mpira huo pia umekuwa ukitumika katika michuano ya Kombe la Dunia la vijana chini ya miaka 20 lakini ukiwa katika aina tofauti ya rangi. Messi aliusifia mpira huo kwamba ni mwepesi na anajivunia kuwa mojawapo ya wachezaji wa kwanza kuufanyia majaribio.