CRISTIANO RONALDO KUFUNGUA JUMBA LAKE LA MAKUMBUSHO.

MSHAMBULIAJI WA klabu ya Real Madrid Cristiano Ronaldo anatarajia kufungua jumba lake la makumbusho ambalo ataweka tuzo zake alizoshinda pamoja na vitu vingine vya kumbukumbu huko Madeira nchini Ureno. Ronaldo ameondolewa katika kikosi cha Madrid kitakachokwaana na Olimpic de Xativa katika mchezo wa Copa del Rey baadae wiki hii na amepewa mapumziko na kocha Carlo Ancelotti ili aweze kupona majeraha ya msuli aliyopata katika mchezo dhidi ya Almeria mwezi uliopita. Jumatatu iliyopita Ronaldo alipokea zawadi ya mchezaji bora mwenye thamani zaidi katika ligi ya Hispania ambapo baada ya hapo alirejea Madeira kuendelea kujiuguza huku akiangalia mpango wa kufungua jumba lake hilo la makumbusho. Mpango huo wa Ronaldo ambao utakuwa na jina CR7 unatarajiwa kuongeza watalii zaidi katika mji huo wa Madeira ambao umbali wa kilometa 400 kutoka kisiwa cha Canary.