TOTTENHAM YAMTIMUA VILLAS-BOAS BAADA YA KIPIGO CHA LIVERPOOL.

KLABU ya Tottenham Hotspurs imethibitisha kumtimua meneja wake Andres Villas-Boas kufuatia kipigo cha mabao 5-0 walichopata dhidi ya Liverpool katika Uwanja wa White Hart Lane jana. Kipigo hicho kinaiacha Spurs katika nafasi ya saba katika msimamo wa Ligi Kuu nchini Uingereza wakiwa nyuma ya vinara wa ligi hiyo Arsenal kwa alama 18. Katika taarifa iliyotumwa katika mtandao wa klabu hiyo imedai kuwa wamefikia makubaliano na kocha huyo wa kusitisha mkataba wake kutokana na matokeo yasiyo ya kuridhisha. Taarifa ilidai kuwa uamuzi huo umekubalika na pande zote mbili kwa manufaa ya timu hiyo.