UEFA CHAMPIONS LEAGUE ROUND 16: MAN CITY VS BARCELONA, ARSENAL VS BAYERN MUNICH....

MABINGWA watetezi wa michuano ya Ligi ya Mabingwa barani Ulaya Bayern Munich ya Ujerumani wamepangwa kucheza na Arsenal katika hatua ya timu 16 bora katika ratiba ya Shirikisho la Soka barani Ulaya-UEFA iliyopangwa muda mfupi uliopita. Mechi zingine zitakutanisha kati ya timu ya Manchester City ya Uingereza na Barce;lona ya Hispania wakati kwa upande Chelsea kocha wake Mourinho atakutana tena na Didier Drogba baada ya timu hiyo kupangwa kukwaana na Galatasaray ya Uturuki. 

Manchester United wao watakuwa wageni wa Olympiacos ya Uturuki huku AC Milan ya Italia wakitoana jasho na Atletico Madrid ya Hispania. Bayer Leverkusen wao watachuana na matajiri wa Ufaransa Paris Saint-Germain, Zenit St Petersburg na Borussia Dortmund wakati Schalke wao watakwaanza na Real Madrid. Vilabu ambavyo vimemaliza kama washindi wa pili katika hatua ya makundi vitacheza mechi ya mkondo wa kwanza nyumbani Februari 18/19 na 25/26 wakati mechi za mkondo wa pili zitachezwa Machi 11/12 na 18/19 mwakani.