BAYERN NDIO KLABU BORA DUNIANI, NIKIHAMA NITAKUWA NIMEJISHUSHA - ROBBEN.

WINGA mahiri wa klabu ya Bayern Munich, Arjen Robben amesema hana mpango wa kuondoka kwani anaamini timu hiyo ndio bora kabisa duniani na atakuwa kama amepiga hatua kurudi nyuma kama akiondoka. Nyota huyo wa kimataifa wa Uholanzi mwenye umri wa miaka 30 amekuwa na Bayern toka mwaka 2009 na kushinda mataji mbalimbali akiwa na klabu hiyo katika misimu ya hivi karibuni. Robben amepanga kuendelea kuitumikia timu hiyo na kushinda mataji zaidi katika miaka inayokuja. Akihojiwa Robben amesema Bayern inaweza kuwa timu yake ya mwisho kucheza kabla hajatundika daluga kwasababu anataka kushinda mataji kadhaa na hiyo ndio klabu pekee inayoweza kumpa mafanikio hayo. Robben amesema amecheza Chelsea na Real Madrid wakati akiwa na umri mdogo lakini sasa anacheza katika klabu kubwa duniani na hawezi kupiga hatua zaidi ya hiyo.