RATIBA YA NANE BORA KUPANGWA HUKO NYON KESHO

MICHUANO ya Ligi ya Mabingwa barani Ulaya hatua ya 16 bora imemalizika huku kukiwa hakuna mshangao kutokana na kila timu nane ambazo walikuwa washindi wa makundi yao zimefanikiwa kutinga hatua ya robo fainali. Katika timu hizo nane ni Atletico Madrid na Borussia Dortmund pekee ndio timu zisizojiweza kifedha ukilinganisha na zingine zilizotinga hatua hiyo. Dortmund na Manchester United ndio timu za mwisho kuungana na wenzao Barcelona, Real Madrid, Atletico, Bayern Munich, Paris Saint-Germain na Chelsea kwenye hatua hiyo ya nane bora. Ratiba ya robo fainali ya michuano hiyo inatarajiwa kupangwa kesho huko, Nyon.