VAN GAAL AITAMANI LIGI KUU UINGEREZA.

KOCHA wa timu ya taifa ya Uholanzi, Louis van Gaal ameweka wazi nia yake ya kuchukua majukumu ya kufundisha mojawapo ya klabu kubwa za Ligi Kuu nchini Uingereza baada ya kumalizika kwa michuano ya Kombe la Dunia nchini Brazil. Van Gaal ambaye amewahi kupata mafanikio katika ligi za Uholanzi, Hispania na Ujerumani anatajiwa kuachia nafasi yake hiyo baada ya michuano hiyo na amekuwa akihusishwa na tetesi za kwenda Manchester United au Tottenham Hotspurs katika siku za karibuni. Kocha huyo amesema kiu yake ni kufundisha moja ya vilabu vikubwa Uingereza kwasababu hajawahi kujaribu hali ilivyo nchini humo. Van Gaal aliendelea kudai kuwa dhumuni lake ni kushinda mataji ya ligi kwa nchi nne tofauti na atafanya juhudi kutimiza adhma yake hiyo.