CAVANI ANACHEZA CHINI YA KIWANGO KUEPUKA MAJERUHI.

MENEJA wa klabu ya Paris Saint-Germain, PSG Laurent Blanc anaamini kuwa Edinson Cavani amekuwa akicheza kwa tahadhari ili kujiepusha na majeruhi kabla ya michuano ya Kombe la Dunia. Nyota huyo wa kimataifa wa Uruguay amekuwa akishambuliwa kwa kucheza chini ya kiwango katika wiki za karibuni na ameshindwa kutoa ushawishi tena wakati PSG ilipotandikwa bao 1-0 na Lyon. Pamoja na kucheza chini ya kiwango, Blanc amekataa kumlaumu mshambuliaji huyo ingawa alidai kuwa anafikiri anacheza kwa tahadhari ili kuepusha majeraha ambayo yamekuwa yakimuandama katika siku za karibuni. Kocha huyo aliendelea kudai kuwa nyota huyo kwasasa akili yake iko katika Kombe la Dunia hivyo asingependa kupata majeruhi ambayo yanaweza kumuweka benchi kwa kipindi kirefu.