NAFASI YA PILI MUHIMU - KLOPP.

MENEJA wa klabu ya Borussia Dortmund, Jurgen Klopp amekiri kuwa ushindi watakaopata dhidi ya Wolfsburg baadae leo utakuwa ni hatua nzuri ya kujihakikishia nafasi ya pili katika msimamo wa Bundesliga. Dortmund wanakalia nafasi ya pili kwa tofauti ya alama moja na mahasimu wao Schalke na wamepata ahueni wakati Bayer Leverkusen wanaoshika nafasi ya nne walipopoteza mechi yao ya jana dhidi ya Humburg kwa kufungwa mabao 2-1. Lakini wakiwa wamebakia na mechi dhidi ya vinara Bayern Munich na Leverkusen, Klopp bado hana uhakika wa kumaliza katika nafasi ya pili huku pia akiwaogopa wapinzani wao wa leo Wolfsburg ambao wameshinda mechi saba kati ya 10 walizocheza katika mashindano yote. Klopp amesema utakuwa mchezo mgumu wa ligi kwasababu wapinzani wao wako fiti hivi sasa lakini itakuwa hatua nzuri kwa kujiwekea mizizi katika nafasi ya pili kama wakishinda mchezo huo.