NILIMWAMBIA SUAREZ AJIUNGE NA MAN UNITED - FORLAN.

MSHAMBULIAJI wa kimataifa wa Uruguay, Diego Forlan amebainisha kuwa alimwambia Luis Suarez kujiunga na Manchester United kabla ya hajaamua kwenda Liverpool Januari mwaka 2011. Suarez alitua Liverpool akitokea Ajax Amsterdam kwa ada ya euro milioni 27.5 na kuiwezesha timu hiyo kuwemo katika kinyang’anyiro cha taji la Ligi Kuu msimu huu akiwa amefunga mabao 29. Lakini Forlan ambaye kwasasa anacheza soka nchini Japana katika timu ya Cerezo Osaka amebainisha kuwa mambo yangeweza kuwa tofauti kama mchezaji mwenzake huyo wa timu ya taifa angefuata ushauri wake. Forlan amesema wakati Liverpool walipompa Suarez ofa yao alimwambia kuwa anakiwa kujiunga na United lakini pia aliizungumzia vizuri Liverpool na historia yao ya kipekee.