RAVANELLI AIASA JUVENTUS.

MSHAMBULIAJI wa zamani wa Juventus Fabrio Ravanelli amewasihi wachezaji wa timu hiyo kutumia nafasi pekee katika maisha yao kushinda taji la Europa League katika ardhi ya nyumbani kwao. Juventus iko mguu ndani mguu nje kutinga nusu fainali ya michuano hiyo baada ya kushinda 1-0 dhidi ya Olympique Lyon katika mchezo wa kwanza uliochezwa nchini Ufaransa wiki iliyopita. Nyota huyo wa zamani wa Italia ameitaka klabu yake hiyo ya zamani kuhakikisha wananyakuwa taji hilo msimu huu hususani ikizingatiwa kuwa fainali itachezwa kwenye ardhi ya kwao jijini Turin. Ravanelli amesema hiyo ni nafasi pekee ambayo hujitokeza mara moja katika maisha hivyo amewataka Juventus wanaonolewa na Antonio Conte kuhakikisha wanaitumia vyema.