POGBA AWARUSHA ROHO MASHABIKI WA JUVENTUS.

MSHAMBULIAJI nyota wa Juventus, Paul Pogba ameuweka mustakabali wake katika klabu hiyo kwenye mashaka kwa kukiri anafurahishwa na habari kuwa timu mbalimbali zinahitaji huduma yake. Kumekuwa na taarifa kuwa Juventus wamekuwa wakihaha kumuongeza kiungo huyo mkataba mwingine zaidi ya huu unaomalizika 2016, huku kukiwa na tetesi kuwa Paris Saint-Germain tayari wameshatoa dau kwa ajili kumsajili nyota huyo wa kimataifa wa Ufaransa majira ya kiangazi. Hata hivyo, Pogba amesema anafurahi na maisha yake kwa Vibibi hivyo vya Turin na ameguswa na hamu ya mashabiki kumtaka kuendelea kubakia hapo. Pogba amesema inamfurahisha kusikia mashabiki wakiimba kuwa asiuzwe na huwa inamuongezea ari wakati akiingia uwanjani. Nyota huyo amesema kwasasa anataka kufanya kila analoweza kuisaidia timu hiyo na hajazungumza na timu yoyote ingawa nyingine ingawa anafurahishwa kujua kuwa timu zingine zinamuhitaji pia.