MARTINO AKIRI KUVURUNDA.

MENEJA wa klabu ya Barcelona, Gerardo Martino, amekiri kutofurahishwa na kazi aliyofanya msimu huu. Barcelona wanakabiliwa na mchezo dhidi ya Athletic Bilbao baadae leo huku wakiwa nyuma ya vinara Atletico Madrid kwa tofauti ya alama saba huku wakiwa wamebakiwa na michezo mitano. Martino ambaye amechukua mikoba ya kukinoa kikosi hicho majira ya kiangazi mwaka jana amesema Barcelona ni timu iliyozoea ushindi na siku zote wamekuwa wakishinda kitu ndio maana hajafurahishwa na alichofanya kwasababu hawajashinda chochote mpaka sasa. Pamoja na hayo Martino ameapa kuwa watapambana mpaka dakika ya mwisho kuhakikisha hawatoki mikono mitupu na kuhakikisha wanalitia mikononi taji la ligi ambalo ndilo pekee walilobaki nalo msimu huu.