SIJALI KAMA TULIFANYA MAKOSA MUHIMU USHINDI UMEPATIKANA - BLANC.

MENEJA wa klabu ya Paris Saint-Germain-PSG, Laurent Blanc amesema hajali kama kikosi chake kilifanya makosa mengi katika ushindi wa mabao 2-1 waliopata dhidi ya Olympique Lyon, kwani anachojali yeye ni kwamba wamenyakuwa Kombe la Ligi. Blanc amekuwa katika shinikizo kubwa kuelekea katika mchezo huo uliofanyika katika huko Stade de France kufuatia kuenguliwa na Chelsea katika hatua ya robo fainali ya michuano ya Ligi ya Mabingwa Ulaya. Hata hivyo kocha huyo amepata ahueni baada ya kunyakuwa taji hilo jana ingawa alikiri ilikuwa kazi ngumu kutokana na wapinzani nao kujiandaa vyema. Blanc amesema mchezo huo ulikuwa ni fainali hivyo jambo kubwa lilikuwa ni ushindi, ulikuwa ushindi mgumu lakini anawapongeza wachezaji wake kwa kujitoa kwa kila kitu. PSG wanaweza pia kushinda taji lao la pili msimu huu kutokana na kuwa kileleni mwa msimamo wa ligi kwa tofauti ya alama 10.