ALONSO ASHANGAZWA NA KIWANGO DUNIA CHA VETTEL.

DEREVA wa timu ya Ferrari, Fernando Alonso amesema anashangazwa kuona Sebastian Vettel wa Red Bull akishindwa mbele ya dereva mwenzake Daniel Ricciardo mara mbili katika mashindano yaliyopita. Vettel ameshinda mataji manne ya dunia mfululizo kwa minne iliyopita lakini alitakiwa kumuachia Ricciardo ampite katika mashindano yaliyopita ya Bahrain na China na ameshindwa kufuzu mara tatu msimu huu. Alonso amesema dereva huyo amekuwa akishindwa kuonyesha cheche zake kama ilivyokuwa msimu uliopita na anadhani hata mwenyewe anashangaa kama ilivyo kwake. Mashindano ya langalanga yanaendelea ambapo sasa yamehamia nchini Hispania katika jiji la Barcelona ambapo madereva wamekuwa katika majaribio ya kutafuta nafasi kabla ya kushindana rasmi Jumapili.