VAN GAAL YUKO TAYARI KUINOA MAN UNITED.

KOCHA wa timu ya taifa ya Uholanzi, Louis van Gaal ameiambia BBC kuwa anataka kuwa meneja mpya wa klabu ya Manchester United. Van Gaal mwenye umri wa miaka 62 amekuwa akipewa nafasi kubwa kuchukua nafasi hiyo toka alipotimuliwa David Moyes wiki kadhaa zilizopita. Inaaminika kuwa United itathibitisha uteuzi wake mapema wiki ijayo. Akizungumza katika kambi ya maandalizi ya Uholanzi kwa ajili ya Kombe la Dunia, Van Gaal aliielezea United kama klabu kubwa duniani.