PELLEGRINI ATAMBA CITY KUTETEA TAJI LAKE.

MENEJA wa klabu ya Manchester City, Manuel Pelegrini ametamba kuwa na matumaini makubwa ya kikosi chake kutetea taji la Ligi Kuu licha ya kuchapwa na Arsenal kwa mabao 3-0 katika mchezo wa Ngao ya Hisani jana. City wanatarajia kufungua dimba katka ligi kwa kucheza na Newcastle United Jumapili hii. Akihojiwa Pellegrini ameseam ana matumaini makubwa ya kikosi chake kutetea taji hilo licha kipigo hicho walichopata. Kocha huyo aliendelea kudai kuwa anajua kuwa msimu huu timu tano au sita ndio zinazopewa nafasi ya kutwaa taji la ligi lakini City ndio wenye uwezo zaidi wa kufanya hivyo kuliko timu zote zingine. Pellegrini amesema kwasasa kikosi chake kinahitaji muda kwa ajili ya kujijenga zaidi na wakati ukifika ataonyesha kwamba alikuwa sahihi kusema hivyo.