MASHABIKI WA BARCELONA WANAONGOZA KWA TABIA NZURI - BARTOMEU.

RAIS wa klabu ya Barcelona, Josep Maria Bartomeu anaamini kuwa mashabiki wa timu wanaonesha mfano wa kuigwa kwa kuwa tabia njema majukwaani. Katika mchezo wa La Liga wa hivi karibuni kati ya Atletico Madrid na Deportivo La Coruna kulizuka vurugu nje ya Uwanja wa Vicente Calderon na kupelekea shabiki mmoja kufa. Hata hivyo, Bartomeu anaamini vilabu vingine vinapaswa kufuata mfano wao kuhusiana na adhabu kwa mashabiki wanaovuka mipaka. Akihojiwa na wanahabari Bartomeu amesema watu wengi wanawachukulia mashabiki wa Barcelona kama mfano kwani kumekuwa na utulivu majukwaani baada ya kupambana na baadhi ya mashabiki wasumbufu.